Հայաստանի ֆուտբոլի ազգային թիմի ավագ Վարազդատ Հարոյանը Ուելսի և Խորվաթիայի դեմ երկու հանդիպումները կարևորագույն եզրափակիչ է համարում:
«Բոլորս էլ գիտենք, որ մեծ շանս ունենք դուրս գալու խմբից: Եվ գիտենք նաև, թե ինչ մրցակիցներ են առաջիկա խաղի մրցակիցները: Լրջորեն ենք պատրաստվում առաջիկա հանդիպմանը: Բոլորս էլ գիտենք այդ խաղի նշանակությունը: Եթե հաղթենք Ուելսին, ապա Խորվաթիայի դեմ հանդիպումը մեծ եզրափակիչ կլինի մեզ համար, այդպես ասած` կյանքի խաղ»,- լրագրողների հետ զրույցում ասել է Հարոյանը:
Ֆուտբոլի Եվրոպայի առաջնության ընտրական փուլի նախավերջին տուրում` նոյեմբերի 18-ին, Հայաստանի հավաքականը Երևանում կընդունի Ուելսի ընտրանուն: Հանդիպումը կմեկնարկի 18:00-ին: Իսկ նոյեմբերի 21-ին` վերջին տուրում, Հայաստանի հավաքականն արտագնա խաղում կմրցի Խորվաթիայի հետ:
