«Ժողովուրդ»-ի աղբյուրների փոխանցմամբ՝ ՀՀ Աժ ՀՀԿ խմբակցության անդամ, գործարար Սամվել Ալեքսանյանը, ռուսաստանաբնակ գործարար Սամվել Կարապետյանը եւ ԲՀԿ նախկին առաջնորդ Գագիկ Ծառուկյանն իրենց ընտանիքներով դարձյալ մեկնել են Դուբայ՝ հանգստանալու: Գագիկ Ծառուկյանի մամլո խոսնակ Իվետա Տոնոյանը «Ժողովուրդ»-ի հետ զրույցում, ինչպես նախկին համանման դեպքերում, ասաց. «Գագիկ Ծառուկյանը Հայաստանում է»: Հիշեցնենք, որ նշված եռյակը սովորաբար տարին երկու անգամ Դուբայում հավաքվում է: Սակայն այս մի հավաքն իր բնույթով առանձնանում է եւ չի կարող համարվել սովորական: Բանն այն է, որ մինչ այս հավաքը Գագիկ Ծառուկյանի կյանքում «հեղաշրջում» եղավ, մեկ նա հայտարարեց, թե ընդունում է Սերժ Սարգսյանի՝ իրեն նետված մարտահրավերը, իսկ մի քանի օր անց «կապիտուլացիա կնքեց» եւ հայտարարեց քաղաքականությունից դուրս գալու մասին: Այլ կերպ ասած՝ Ծառուկյանն այլեւս առաջվանը չէ, եւ այս փաստը չի կարող իրեն զգացնել չտալ նաեւ ներօլիգարխային հարաբերություններում:
Շարունակությունը և ուշագրավ այլ նյութեր «Ժողովուրդ» թերթում
