Սկանդալային դերասանուհի Անժելա Սարգսյանն ավելի քանի 2 տարի տարի տևած դադարից հետո վերջին հարզազրույցում խոսել է հոգևոր շեղումներից.
«Դեռ եկեղեցու հայրերի ժամանակ եղել են տիեզերական ժողովներ և այդ ժողովների ժամանակ որոշվել են Աստվածաշնչից հարցեր, որ պետք է հավատալ միայն դրանց:
Մինչև 4-րդ տիեզերական ժողովը հայ առաքելական եկեղեցին ինքն էլ էր մասնակցում այդ ժողովներին: Վերջինը եղել է 451-ին. մեզ մոտ պատերազմական իրավիճակ էր և տիեզերական ժողովին չմասնակցելու համար հայ առաքելական եկեղեցին համարվեց մոնոֆիզիտ, այսինքն` քննարկվում էր Հիսուսը մարդ է, թե՞ Աստված և որոշվեց, որ նա 100% մարդ է եղել երկրի վրա, և 100% Աստված` երկնքում:
4 տիեզերական ժողովներն այն հիմնական հարցերն են, որոնք համարվում են քրիստոնեության հիմքերը և այդ հիմքերից շեղումներն արդեն համարվում են աղանդներ:
Քանի որ չենք մասնակցել 4-րդ տիեզերական ժողովին, տարիներ, դարեր շարունակ հայ առաքելական եկեղեցին համարվել է աղանդ ամբողջ աշխարհի համար»:
Անժելայի հայ առաքելական եկեղեցու աղանդավոր լինելու վերաբերյալ ASEKOSE.am-ի թղթակիցը զրուցել է Սբ. Երրորդություն եկեղեցու հոգևոր հովիվ տեր Եսայի քահանա Արթենյանի հետ:
Վերջինս դերասանուհու խոսքերը մեկնաբանել է հետևյալ ձևով.
«Դա աշխարհի ամենամեծ հիմարություն է, որ ես կարող եմ լսել:
Այդ ձևակերպումը խոսում է այն մասին, որ Անժելան ոչնչից տեղյակ չէ:
Նման տիեզերական ժողովներ եղել են: Քաղքեդոնի ժողովին հայ եկեղեցին ունեցել է ներկայացուցիչներ, թեև պաշտոնապես չի մասնակցել և հայ եկեղեցին դա արել է ոչ միայն պատերազմական իրավիճակից ելնելով, այլև այն բանի համար, որ սխալ է համարել այդ ժողովի որոշումները:
Այս ամենը «Կյանքի խոսք» եկեղեցու արատն ու թերությունն են, որի կրողն էլ Անժելան է:
Միշտ էլ «Կյանքի խոսք» աղանդը քննդատել է հայ եկեղեցուն ոչ իրական, շինծու մեղադրանքներով` դրանցով ցույց տալով իր տգիտությունը»:
Հիշեցնենք, որ նույն այդ հարզացրույցում Անժելա Սարգսյանը իր` «Կյանքի խոսք»-ին հարելու վերաբերյալ ասել է.
«Ես Կյանքի խոսքում եղել եմ, երբեմն, եթե լավ քարոզիչներ են գալիս լինում եմ, խոսքը լսում եմ, ինչպես նաև լինում եմ մեր հայ առաքելական եկեղեցում»:
