Երևանի ավագանու «Մայր Հայաստան» խմբակցության անդամ Սամվել Հակոբյանը, խոսելով երեկվա միջադեպի ժամանակ բռնություն կիրառած թաղապետերի մասին, Ավինյանին հարցրեց. «Թաղապետերը քուչի խուժանի նման վրա էին տվել, 10 հոգով մեկին հարվածում. ի՞նչ սանկցիա եք կիրառելու նրանց նկատմամբ»: Ավինյանն ասաց, որ վարչական շրջանների ղեկավարների վարքագծի վերաբերյալ երեկ արտահայտվել է. «Սանկցիան իհարկե իմ լիազորությունն է. հուսով եմ՝ սրանով ավարտված, ամփոփված կլինի, բոլորը կհասկանան, որ սա անընդունելի է: Ես զգուշացումներ եմ տվել և՛ վարչական շրջանների ղեկավարներին, և՛ ավագանու անդամներին»: