|
Երևանի ավագանու «Ազգային առաջընթաց» խմբակցության ղեկավար Գրիգոր Երիցյանն իր ելույթում, դիմելով քաղաքապետ Տիգրան Ավինյանին, հայտարարեց. «Օրակարգի հարցերից մեկը պարունակում է ակնհայտ կեղծ տեղեկատվություն: Ինչպես գիտեք, իշխող խմբավորումն օրակարգում է ներառել իմ՝ որպես ավագանու անդամի լիազորությունների դադարեցման նախագիծը: Ես շատ լավ հասկանում եմ ինձ հեռացնելու հրատապությունը, բայց, պարո՛ն Ավինյան, եկել եմ ձեր տրամադրությունը փչացնեմ. այդ նախագծով դա անել հնարավոր չէ: Նշված կեղծ հիմքերից մեկը հետևյալն է՝ Գրիգոր Երիցյանը բացակայել է ավագնու հինգերորդ գումարման երկրորդ նստաշրջանի ընթացքում հինգ նիստերից չորսին, իսկ հիմա ուշադիր. հայտարարում եմ, որ այս պնդումը կեղծ է, չի համապատասխանում իրականությանը: Ես մշտապես ներկա եմ եղել ավագանու նիստերին»: |
Օրեր առաջ ավագանու անդամ Գրիգոր Երիցյանը ֆեյսբուքյան իր էջում գրել էր. «Երևանի պատմության ամենաձախողված քաղաքապետը քաղաքի բոլոր հրատապ խնդիրները «լուծելուց» հետո իր ավագանու թիմին հրահանգել է նախաձեռնել իմ՝ Երևան քաղաքի ավագանու լիազորությունները դադարեցնելու գործընթաց։
Սա Ավինյանի՝ ընդդիմախոսներից ազատվելու և քաղաքական հաշվեհարդարի հերթական փորձն է, որը վտանգավոր նախադեպ է ստեղծում, քանի որ Հայաստանի նորանկախ պատմության մեջ որևէ իշխանություն մանդատից չի զրկել որևէ ընդդիմադիր խմբակցության ղեկավարի։
Սեպտեմբերի 10-ին ՔՊ-ն պատրաստվում է դադարեցնել ոչ միայն իմ՝ որպես Երևանի ավագանու անդամի, այլև որպես Երևանի ավագանու ընդդիմադիր (մեծությամբ երկրորդ) խմբակցության ղեկավարի լիազորությունները՝ խաթարելով մեր խմբակցության բնականոն աշխատանքը և հերթական անգամ թքելով մեզ ձայն տված տասնյակ հազարավոր երևանցիների վրա:
Թե՛ իշխանությանը և թե՛ ընդդիմությանը ընտրում է ժողովուրդը և միայն ժողովուրդն է ընտրությունների միջոցով որոշում, թե ում լիազորությունները պետք է դադարեցվեն։ Ավինյանն ու իր թիմը չեն ներկայացնում երևանցիներին, և եթե 1 տարի առաջ ստացել են երևանցիների աջակցության 9%-ը, ապա այսօր նրանց վարկանիշը շրիշակից ցածր է։
ՀՀ իշխանությունների հռչակած արևմտյան ձգտումների ֆոնին՝ Երևանի քաղաքագլխի և իր թիմի կողմից ընդդիմադիրների նկատմամբ քաղաքական հետապնդումները կասկածի տակ են դնում ժողովրդավարության մասին այս խմբի իրական պատկերացումներն ու ընկալումները։
Հույս ունեմ, որ տեղական իշխանությունների որդեգրած հակաժողովրդավարական գործելաոճը և հատկապես այս խայտառակ դրվագը կհայտնվեն իրավապաշտպանների ուշադրության կենտրոնում և կստանան միջազգային կազմակերպությունների համարժեք արձագանքը»:
Հայտարարությամբ էր հանդես եկել նաև Վարդան Ղուկասյանը՝ հայտնելով, որ իշխող թևը որոշել է մանդատից զրկել ոչ միայն Երիցյանին, այլև երկու անկախ անդամի. «Սեպտեմբերի 10-ին բոլորիդ հրավիրում ենք Երևանի քաղաքապետարան բողոքի ակցիայի՝ հաջակցություն այն ավագանիների, որոնց այս թմրամոլ, կաշառակեր, կոռումպացված, քաղաքապետի աթոռը զբաղեցնող մարդկային ՎԻԺՎԱԾՔԸ և «ընդդիմություն» խաղացող Վազգենի քույրը փորձում են զրկել ավագանու մանդատից։ Եկեք տեր կանգնեք Ձեր տված քվեներին և եկեք գոնե այս անգամ ցույց տանք համախմբվածություն՝ ընդդեմ այս բ**ի տղերքի»:
***
|
«Պարոն Երիցյանն առաջարկում է իր լիազորությունների դադարեցման հարցը հանել օրակարգից, բայց նա երկրորդ հատվածին չանդրադարձավ. նա բացակայել է իրավական հանձնաժողովի յոթ նիստերից վեցից»,- հայտարարեց քաղաքապետ Տիգրան Ավինյանը՝ արձագանքելով ավագանու անդամ Գրիգոր Երիցյանի ելույթին: *** |
|
«Չեք ամաչո՞ւմ»,- իրեն ավագանու անդամի մանդատից զրկելու հարցի քննարկման ժամանակ, դիմելով քաղաքապետին ու նախագիծը կազմող իշխող թիմի ավագանու անդամ Մարատ Թոխյանին, ասաց «Ազգային առաջընթաց» խմբակցության ղեկավար Գրիգոր Երիցյանը: «Ասվում է՝ ավագանու հինգերորդ գումարման երկրորդ նստաշրջանի հինգ նիստից չորսից բացակայել եմ, ես էլ ասում եմ՝ չեմ բացակայել, կուղարկեմ բոլոր նիստերի իմ ելույթները: Չեք ամաչո՞ւմ, որ ստում եք: Ի՞նչ է արել էս պարոն Ավինյանը, որ դուք ստիպված էս ամոթալի բանը բերել եք ու պաշտպանում եք»,- հավելեց Երիցյանը: |
