«Որևէ մեկի հայտարարությամբ չի կարող Լեռնային Ղարաբաղի Հանրապետությունը լուծարվել»,- դատական նիստից հետո, լրագրողների հետ ճեպազրույցում, ասել է ՀՀ երրորդ նախագահ Սերժ Սարգսյանը: Նա նշել է՝ կգա ժամանակը, կասի՝ ի՞նչ է նկատի ունեցել՝ «Արցախի էջը փակված չէ» ասելով: Հարցին՝ իսկ որ խաղաղության պայմանագրի մեջ նշում չի լինելու Արցախի վերաբերյալ, ի՞նչ կասեք, պատասխանել է. «Ես դրան չեմ անդրադառնում, որովհետև չգիտեմ՝ խաղաղության պայմանագրում ի՞նչ կա գրված»: