«Նիկոլ Փաշինյա՛ն, անձրևի տակ Այվազովսկու նկարն է կախված». Ոսկան Սարգսյան
Լրագրող Ոսկան Սարգսյանի գրառումը՝ կից լուսանկարով. «Վարչապետ Նիկոլ Փաշինյանը օգոստոսի 2-ին ֆեյսբուքյան իր էջում տեսանյութ է հրապարակել Դիլիջանում երկրագիտական թանգարան այցից, որտեղ ներկայացված է Հովհաննես Այվազովսկու վերականգնված կտավը:
«Մեր թանգարաններում շարժ չկա, նույն նկարները տարիներով նույն տեղում կախված են։ Հարց՝ ինչի՞ ենք պահում թանգարանը, որքա՞ն գումար ենք ծախսում, դրա պատասխանը պետք է ունենանք։ Մեր թանգարանները հիմնականում պահեստ են»,- հայտարարել է Նիկոլ Փաշինյանը։
Դիլիջան քաղաքից լուսանկարներ են ուղարկել, որոնցում անձրևի ժամանակ Դիլիջանի երկրագիտական թանգարանում տեղադրված բազում դույլներն են, ներթափանցած անձրևներից թանգարանի վնասված պատերը։ Այս պայմաններում աշխարհահռչակ Այվազովսկու կտավն է ցուցադրվում։ Սա պետք է քեզ մտահոգեր, Նիկոլ Փաշինյան, ոչ թե տարիներով նույն նկարների կախված լինելը»:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:
Tweet
