«Մեծ ճիգեր չպահանջվեցին»,– ԱԺ-Կառավարություն հարցուպատասխանի նիստում նշեց վարչապետ Նիկոլ Փաշինյանը՝ անդրադառնալով «Հայաստան» խմբակցության պատգամավոր Ագնեսա Խամոյանի հարցին, թե՝ ինչպիսի՞ ճիգեր պահանջվեցին՝ գնալու «խիզախ քայլի» և տարեվերջին 3 միլիարդ դրամի պարգևավճար բաժանելու համար։
«Այդ երեք միլիարդ դրամը գոյացել է նաև նախկինում ձեր և ձեր շրջապատի մարդկանց՝ հարկերից խուսափելու դեմ պայքարի մեխանիզմի գործարկման շնորհիվ: Դրա համար է, որ ձեզ մրմռացրել է դա․․․ Դուք սովորել եք հա՞, որ օլիգարխները դռներին քացով տալով՝ մտնում են պաշտոնյաների մոտ․ ոտերները կջարդենք: Թող մեկը պատշաճ հարգանքով չմոտենար յուրաքանչյուր պետական ​​մարմնի և պետական ​​ինստիտուտի: Ոտերները կջարդենք»,- նշեց Փաշինյանը՝ հավելելով՝ պետական պաշտոնյան պետք է լինի զերծ որևէ ազդեցությունից։

«Մենք մեր սեփական «միշիկը» չունենք և չենք ուզում ունենալ, որ մտնի ծրարով փող տա պաշտոնյաներին։ Եվ այո, ճիշտ ենք արել, սրա արդյունքի շահառուն ՀՀ քաղաքացին է»,- ընդգծեց Փաշինյանը։