Էկվադորում լիպոսակցիան դարձել է Reina de Duran 2014թ-ի մրցույթի հաղթող 19-ամյա Կատերին Կանդոյի մահվան պատճառը: Հատկանշականն այն է, որ գեղեցկուհին դիմել էր պլաստիկ վիրահատության, որովհետև նրան դա պարտադրել էին մրցույթի կազմակերպիչները, ովքեր նրան մի շարք մրցանակներից բացի նվիրել էին նաև անվճար վիրահատության կատարելու սերտիֆիկատ:
Կատերինի եղբոր խոսքով` իր քրոջն ամեն օր զանգում էր պլաստիկ վիրաբույժը եւ ստիպում գնալ վիրահատության: Իսկ նախքան վիրահատությունը կազմակերպիչները նույնիսկ հաշվի չէին առել այն հանգամանքը, որ աղջիկն առաջարկել էր վիրահատվելու փոխարեն նիհարել:
Այս ամենի հետևանքով 19-ամյա գեղեցկուհին մահացել է հենց վիրահատության ժամանակ: Բժիշկների խոսքերով` նրա սիրտը կանգ է առել վիրահատության ընթացքում, սակայն փաստաբանը` պարզել է, որ նրա մահվան պատճառը գլխուղեղի այտուցն է։ Վիրաբույժը ձերբակալված է։