Իրադարձություններին հետևեք նաև Asekose.am-ի տելեգրամյան ալիքում
|
Իսրայելի բանակի խոսնակ կոնտրադմիրալ Դանիել Հագարին հայտարարել է, որ Իսրայելը կպատասխանի իր երկրի վրա Իրանի հրթիռային հարձակմանը, գրում է Times of Israel-ը։ «Մենք գտնվում ենք պաշտպանության և հարձակման բարձր պատրաստվածության վիճակում և պաշտպանելու ենք Իսրայելի քաղաքացիներին։ Այս հարձակումը հետևանքներ կունենա: Մենք ծրագրեր ունենք, և կգործենք մեր ընտրած ժամանակին և վայրում»,- նշել է նա։ *** |
|
Իսրայելի բանակի գլխավոր շտաբի ղեկավարն Իրանի հարձակումից հետո օպերատիվ խորհրդակցություն է հրավիրել Թել-Ավիվում: Այս մասին ասված է Իսրայելի բանակի տարածած հայտարարության մեջ: «Ավիաբազաներից ոչ մեկը կրիտիկական վնաս չի ստացել, և այս գիշեր Իսրայելի ռազմաօդային ուժերի մարտական ինքնաթիռները հարվածներ են հասցելու Մերձավոր Արևելքի տարածաշրջանի բոլոր թիրախներին»,- հայտարարել է Իսրայելի պաշտպանության բանակը: |
***
Իրանը փակում է իր օդային տարածքը և Թեհրանի միջազգային օդանավակայանը՝ սպասելով Իսրայելի պատասխան գործողություններին։
Իրաքում իրանամետ ուժերը հայտարարել են, որ զանգվածային հարձակում կսկսեն երկրում ամերիկյան ռազմակայանների վրա, եթե Միացյալ Նահանգները միանա Իսրայելին՝ Իրանին հակահարված տալու համար:
***
|
Իսրայելական բանակը` ՑԱՀԱԼ-ը, թույլ է տվել իր քաղաքացիներին լքել իրենց ապաստարանները։ Ըստ իսրայելական լրատվամիջոցների՝ Իրանի կողմից հրթիռային հարձակումը տևել է մոտ մեկ ժամ։ Ավելի վաղ Իրանը բալիստիկ հրթիռներ էր արձակել Իսրայելի ուղղությամբ՝ ի պատասխան ՀԱՄԱՍ-ի և «Հեզբոլլահ»-ի առաջնորդների սպանությանը։ Արձակվել է ավելի քան 500 հրթիռ։ *** |
|
Ողջ Իսրայելի տարածքը ենթարկվել է հրթիռակոծման։ Խոսվում է հարյուրավոր բալիստիկ հրթիռների մասին։ Թեև որոշ տեղերում հրթիռներ ընկել են, սակայն, բարեբախտաբար, քաղաքացիական բնակչության շրջանում հրթիռակոծություններից զոհեր չկան։ «Արմենպրես»-ի հետ զրույցում այդ մասին հայտնել է Պետախ Տիկվայի իսրայելահայերի «Նաիրի» միության նախագահ Արտյոմ Չերնամորյանը՝ անդրադառնալով Իրանի կողմից Իսրայելի տարածքի հրթիռակոծումներին։ Չերնամորյանը հավելել է, որ որոշ ժամանակ ինքը բազմաթիվ մարդկանց հետ անցկացրել է Պետախ Տիկվայի ապաստարաններից մեկում։ Ավելի վաղ Իսրայելի պաշտպանության բանակը հայտնել Էր Իրանի կողմից հրթիռային հարձակման մասին: |
***
|
Իրանական Shafaqna գործակալությունը պնդում է, որ իբր իրանական հրթիռային հարձակման արդյունքում ոչնչացվել է իսրայելական ավելի քան 20 հատ 5-րդ սերնդի F-35 կործանիչ։ ԱՄՆ-ի պաշտպանության նախարար Լլոյդ Օսթինը իսրայելցի իր պաշտոնակից Յոավ Գալանտի հետ հեռախոսազրույցում ասել է, որ ԱՄՆ-ն բարձրացրել է իր ուժերի մարտունակությունը Մերձավոր Արևելքում իրավիճակի սրման հետևանքով։ ***
|
