Ռեֆորմիստների կուսակցության նախագահ Վահան Բաբայանը ֆեյսբուքյան իր էջում գրել է. «Ընդհանրապես PR տեխնոլոգիաները միշտ կիրառվել են և հատկապես վերջին շրջանում, երբ պետք է հանրության ուշադրությունը սևեռել կոնկրետ բաների վրա, իրականացվում են տարբեր հնարքներ: Բուն քաղաքական բովանդակությունից շեղելու լավագույն ձևը փոքրիկ դետալների մեջ է, երբ կարող են կիրառվել «գլխարկ», «պեռաշկի» կամ այլ նմանատիպ հնարքներ, ինչը հաջողված ձևով իրականացվում է իշխանության կողմից:
Տարեվերջյան այս կարևոր հանդիպումը կդառնար ավելի լուրջ քննարկումների առարկա, եթե չլիներ գլխարկը, մարդիկ Արցախից, սպասվող գործընթացներից, վտանգներից խոսելու փոխարեն խոսում ու քննարկում են միայն Նիկոլի գլխարկը:

Ինչքան հեշտ է դարձել կառավարել տեղեկատվական դաշտը և, հետևաբար, մարդկանց միտքն ու կարծիքները: Նման մթնոլորտում, երբ մարդիկ
չունեն սեփական օրակարգ, միշտ գտնվելու են «գլխարկ օպերացիայի» նման բաներ և մարդիկ էլ հեշտությամբ տրվելու են էդ հնարքին: Բա այսպիսի բաներ:
Սա էլ է գիտություն, ինչպես բոլոր գիտությունները»: