Առավոտյան Գյումրիում վթարի ենթարկված շտապ օգնության մեքենայով տեղափոխվող հղի կինը ծննդաբերել է, նրա և երեխայի կյանքին վտանգ չի սպառնում։

Այդ մասին «Փաստինֆո»-ին հայտնել է ՀՀ առողջապահության նախարարության մամուլի քարտուղար Մարիամ Ծատրյանը։

Այսօր՝ օգոստոսի 14-ին, հերթական ավտովթարն էր տեղի ունեցել շտպօգնության ավտոմեքենայի մասնակցությամբ: Ժամը 09:50-ի սահմաններում Գյումրիում բախվել էին շտապօգնության մեքենան և «Opel»-ը: Ինչպես հայտնել էր Գագիկ Շամշյանը, վթարի հետևանքով շտապօգնության բժիշկը, բուժքույրը, այնտեղ գտնվող հղի բուժառուն և «Opel»-ի վարորդը տեղափոխվել են Գյումրու բժշկական կենտրոն: Վթարի փաստով Շիրակի մարզային քննչական վարչությունում նախաձեռնվել է քրեական վարույթ: