Երևանն ու Բաքուն պետք է որոշեն խաղաղության պայմանագրի կնքման ժամկետները։ Այս մասին հայտարարել է ՌԴ ԱԳՆ ներկայացուցիչ Մարիա Զախարովան:
«Մենք ողջունել ենք Բաքվի և Երևանի փոխադարձ համաձայնությունը՝ հարաբերությունները կարգավորելու և խաղաղության պայմանագիր կնքելու վերաբերյալ։ Մենք ողջունել ենք նաև ռազմագերիների փոխանակման մասին նրանց պայմանավորվածությունը՝ բոլորը բոլորի դիմաց բանաձևով»,- ասել է Զախարովան՝ մեկնաբանելով Երևանի և Բաքվի համատեղ հայտարարությունը։ Դա, նրա խոսքով, նպաստում է փոխվստահության ամրապնդմանը և լրացուցիչ հնարավորություններ է բացում հաշտեցման համար՝ Ռուսաստանի, Ադրբեջանի և Հայաստանի առաջնորդների՝ 2020-2022թթ. կնքված պայմանավորվածությունների համաձայն: