|
Վերջերս զեղծարարներն այնքան շատ են փորձում հասնել քեզ ու քո փողերին, որ գրեթե կատարյալ ձևով կրկնօրինակում են մեզ։ Նրանք վերցնում են մեր բրենդային գույները, տարբերանշանները, մեր խոսքերնու սկսում գրել քեզ, համոզել, որ ինչ-որ բան ես շահել, ինչ-որ պարգևատրում ունես «մեր» կողմից, որ օդից փողեր են թափվում քո գլխին։ Ու ամենակարևորը՝ այդ «երանելի» վիճակից քեզ բաժանում է ընդամենը մի քանի տվյալ գրել-չգրելը։ Դե, մի քանի տվյալը ո՞րն է, ուզում են հավելվածի քո գաղտնաբառը, քո հեռախոսահամարին եկած կոդը, գուցե անձնագրային տվյալներ ուզեն, դու էլ տալիս ես, ու զեղծարարները շատ «պատահաբար» հասանելիություն են ստանում քո գրպանին։ Ու գլխիդ փողեր թափվելու կադրերի փոխարեն աչքիդ առաջ են գալիս քո անունով ձևակերպված վարկերը, դատարկված հաշիվներդ ու քարտերդ։ Չես ուզում, չէ՞։ Ուրեմն հիշիր մի քանի պարզ կանոն, ու երբեք չես խաբվի զեղծարարերի կողմից։
Օրինակ՝ ակնհայտ է, չէ՞, որ սա մենք չենք։ Ախր սա տելեգրամյան ալիք էլ չէ, ընդամենը օգտահաշիվ է, անգամ երևում է, թե օգտատերը երբ է վերջին անգամ եղել առցանց։ Կամ, օրինակ, մենք քեզ ե՞րբ ենք ուղարկել կասկածելի հղումներ ու խնդրել լրացնել գաղտնի տվյալներ։ Կամ մենք ե՞րբ ենք այսպիսի անգրագետ տեքստ գրել, սա երևի սովորական Google Translate է, Իդրամից կամ IDBank-ից այսպիսի անհասկանալի հաղորդագրություն երբեք չես ստանա։ Բացի այդ, գիտես, որ մեր դոմեյնը idram.am-ն է, ու անկախ նրանից՝ հղման մեջ քանի անգամ կգրեն idram անունը, եթե դոմեյնը սխալ է, ապա դա հաստատ մենք չենք։ Չխաբվե՛ս։
Հաջորդ օրինակն ենք ցույց տալիս։ Ախր այստեղ անգամ Idram&IDBank հավելվածի տեսքն է հին, մենք մեր հավելվածը վաղու՜ց ռեդիզայն ենք արել։ Կամ, օրինակ, էջի անունը քեզ տարօրինակ չի՞ թվում։ Ինչու՞ պիտի մենք քեզ հետ փորձենք կապի դուրս գալ կեղծ անվան տակ կամ ինչու՞ պիտի քեզ գումար խոստանանք տեսանյութ դիտելու դիմաց։ Մենք մեր հաճախորդներին գործ չենք հանձնարարում ու նրանց չենք շահագործում։
Նույնը՝ այստեղ։ Կեղծ անուն, կասկածելի հայտարարություն, տարօրինակ ու խառը հղում, ու պահանջներ՝ լրացնելու գաղտնի տվյալներդ։ Մենք չենք, չխաբվե՛ս։ Դե մեր մշտական խորհուրդներն էլ, իհարկե, ուժի մեջ են․ ոչ ոքի չես տրամադրում քո քարտի CVV կոդը, PIN-կոդը, հեռախոսիդ ուղարկված SMS-ի մեջ պարունակվող միանգամյա կոդը, հավելվածիդ մուտքանունն ու գաղտնաբառը, PIN-ը։ Քո փողերը քեզ համար են, դրանք քեզնից լավ ոչ ոք չի կարող ծախսել, ուրեմն՝ քեզ պահիր քո գաղտնիանձնական տեղեկատվությունն ու մնա ապահով։ ԸՆԿԵՐՈՒԹՅՈՒՆՆԵՐԸ ՎԵՐԱՀՍԿՎՈՒՄ ԵՆ ՀՀ ԿԲ ԿՈՂՄԻՑ
|
