Ֆոտոլրագրող Գագիկ Շամշյանի տեղեկություններով, հուլիսի 25-ին արտառոց դեպք է տեղի ունեցել Երևանում։ Ժամը 12։05-ի սահմաններում ՀՀ ներքին գործերի նախարարության ոստիկանության Կենտրոնական բաժին է զանգահարել Երևանի բնակիչ Արաքսյա Հ․-ն և հայտնել է, որ Անիտա Հ․-ն և Մարտին Ա․-ն իր հասցեին ձայնային հաղորդագրությունների միջոցով հնչեցրել են սեռական բնույթի հայհոյանքներ, Անիտա Հ․-ն սոցիալական կայքերում հրապարակել է իր լուսանկարները և վիրավորական արտահայտություններ գրել նկարի տակ, վարկաբեկել իրեն, սպառնացել, որ կրկին լուսանկարները կհրապարակի, ինչպես նաև Մարտին Ա․-ն հեռախոսային խոսակցության ընթացքում հայտնել է, որ իր մտերիմ Արիաննա Հ․-ի վրա ծծմբաթթու կլցնի, կմասնատի և կնետի աղբարկղը։
Քիչ անց կրկին ահազանգ է ստացվել, այս անգամ՝ Արիաննա Հ․-ից, ով հայտնել է, որ Մարտին Ա․-ն, գտնվելով վարչական հսկողության տակ, մի քանի օր առաջ ցանկացել է ծծմբաթթվով այրել իրեն և իր բնակարանը, սակայն իր ծանոթ Արաքսյա Հ․-ն կանխել է և այդ մասին տեղեկացրել է իրեն:
Ինչպես հայտնում է ֆոտոլրագրող Գագիկ Շամշյանը, ՀՀ Ներքին գործերի նախարարության ոստիկանության Կենտրոնական բաժնի քրեական հետախուզության բաժանմունքի ծառայողների կողմից ձեռնարկված միջոցառումների շնորհիվ պարզվել է, որ Անիտա Հ․-ն հանդիսանում է Վայոց ձորի մարզի բնակիչ Անիտա Հ․-ն, Մարտին Ա․-ն հանդիսանում է Արարատի մարզի բնակիչ Մարտին Ա․-ն, իսկ Արիանա Հ․-ն հանդիսանում է Կոտայքի մարզի բնակիչ Արմենուհի Հ․-ն:
Դեպքի փաստով ոստիկանության Կենտրոնական բաժնում ձևակերպվել են փաստաթղթեր, որոնք փոխանցվել են ՀՀ քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական բաժին։
Գ․ Շամշյանի տեղեկություններով՝ Արիանա Հ․-ն NEWSPRESS.am լրատվական կայքի հիմնադիր Արիանա Հովսեփյանն է։
Նյութը՝ սկզբնաղբյուր կայքում
