«Այո, մենք պետք է ընդունենք այն իրականությունը, որ Արցախի համար խնդիրներն է՛լ ավելի են բարդանալու և դժվարություններն է՛լ ավելի են ծանրանալու, մարտահրավերները կարող են դառնալ նույնիսկ անհաղթահարելի կամ դժվար հաղթահարելի, եթե ՀՀ-ն չցուցաբերի անհրաժեշտ քաղաքական, ռազմաքաղաքական իրավաքաղաքական, տնտեսական և սոցիալական և անգամ հոգեբանական աջակցություն»,-ֆեյսբուքյան եթերում ասաց Արցախի պետնախարար Գուրգեն Ներսիսյանը:

«Կա՛մ Հայաստանի Հանրապետությունը պետք է վերագնահատի ստեղծված իրավիճակը, կա՛մ մենք պետք է ունակ լինենք միջազգային հանրությանն ուղիղ ներկայացնելու ստեղծված իրավիճակը, և համատեղ փնտրելու դրանից դուրս գալու ուղիները»,- ասաց պետնախարարը: