Արմեն Քոչարյանի ֆեյսբուքյան գրառումը՝ կից տեսանյութով․ ««Զեբրա», ցեխաթումբ, տրանզիտ.
Նոր Նորք վարչական շրջանի Մոլդովական 29/6 հասցեում հետիոտնային գետնանշումը գրեթե անտեսանելի է դարձել վարորդների համար։ Վերջինիս նպաստում են նաև եղանակային պայմաններով առաջացած ցեխաջրերը։ Արդյունքում քաղաքացիները չեն կարողանում անվտանգ անցնել փողոցը, իսկ վարորդների համար այս վիճակը դառնում է հնարավոր վթարային սպառնալիք։ Նույն իրավիճակն է տիրում նաև Բագրևանդ փողոցում։
Այսպիսով, քաղաքային իշխանությունը պահանջում է, որպեսզի քաղաքացիները բարեխղճորեն վճարեն թանկացված տեղական տուրքերը և վճարները։ Փոխարենը՝ անգամ միլիոնավոր պարգևավճարներից հետո էլ չեն կարողանում քաղաքացիների համար ապահովել մաքուր, անվտանգ և պատշաճ կահավորված ճանապարհներ ու մայթեր»։