Լոռիի մարզի բնակիչ 18-ամյա Արթուրը Կարապետյանը սպառնալիքի եւ անձնական արժանապատվությունը պարբերաբար նվաստացնելու ճանապարհով անուղղակի դիտավորությամբ անչափահաս Արփինե Ղ.-ին 2 անգամ դրդել է ինքնասպանության փորձի: Նյուզ.am-ն է գրում այդ մասին ու նշում, որ Լոռիի մարզի ընդհանուր իրավասության դատարանից տեղեկացրել են, որ սույն գործը քննվելու է իրենց մոտ:
Գործի նյութերի համաձայն, 18-ամյա Արթուր Կարապետյանը սպառնալիքի եւ անձնական արժանապատվությունը պարբերաբար նվաստացնելու ճանապարհով անուղղակի դիտավորությամբ անչափահաս Արփինե Ղ.-ին հասցրել է ինքնասպանության փորձ կատարելու:
Աղջիկը, Վանաձոր քաղաքի «Սայաթ-Նովայի» անվան այգում սայրով երակները կտրելու միջոցով կատարել է ինքնասպանության փորձ: Կանխված ինքնասպանության փորձից 1 ամիս անց Արփինե Ղ-ն փորձել է հերթական անգամ ինքնասպան լինել, իրեն ցած նետելով շենքի 4-րդ հարկում գտնվող իրենց բնակարանի պատուհանից:
Քրեական գործ է հարուցվել 110 հոդվածի 1-ին մասով: Խափանման միջոց է ընտրվել հսկողության հանձնելը:
Գործը դատարան է ստացվել փետրվարի 22-ին: Առաջիկայում կնշանակվի դատական քննության օրը:
