Երբ ուկրաինացի լրագրողները մուտք էին գործել Վիկտոր Յանուկովիչի «Մեժիգորյե» նստավայր,  նրանք այնտեղ հայտնաբերել էին, որ Յանուկովիչը  նստավայրում ապրում էր  ոչ թե  իր օրինական կնոջ, այլ  սիրուհու հետ: Նստավայարում կամ, ինչպես  ընդունված է ասել Յանուկովիչի 9,4 միլին արժողությամբ դղյակում, լրագրողները գտել էին նախագահի 39-ամյա սիրուհի Լյուբով Պոլեժայի այցեքարտը,  ինչպես նաև նրան վերաբերող այլ փաստաթղթեր: Արդյունքում հաջողվել է պարզել, որ Լյուբովը սպա կենտրոնի տնօրեն և միաժամանակ  բարեգործական  «Ապագայի ճանապարհը» ֆոնդի նախագահն է: Ուշագրավն այն է, որ Լյուբովը պարգևատրվել է եկեղեցու կողմից` կոթողի կառուցման աշխատանքներին մասնակցելու համար: Ի դեպ, ըստ վարկածներից մեկի`Յանուկովիչի սիրուհին նրա անձնական խոհարարի քույրն է, և նրանք նստավայրում ապրում էին  Լյուբովի առաջին ամուսնությունից ծնված 12-ամյա դստեր հետ: Նշենք, որ Յանուկովիչը 1972 թվականից ամուսնացած է Լյուդմիլա Յանուկովիչի հետ, սակայն վերջինս երբեք երկրի առաջին տիկին լինելու ցանկություններ չի ունեցել:Լյուդմիլան ապրում է  Դոնեցկում և 2010 թվականից նրան որևէ մեկն ամուսնու կողքին չի տեսել: Թերևս դրանով է պայմանավորված, որ  վերջին շրջանում համացանցը ողողված է  Յանուկովիչի  սիրուհիների մասին  պատմող նյութերով և լուսանկարներով: