«Մենք խորին համոզմունք ունենք, որ քաղաքականությամբ պետք է զբաղվեն քաղաքական գործիչները, անթույլատրելի է քաղաքականության մեջ եզրագծից դուրս գալը, քաղաքականությունըը վերածել շուկայի, թայֆաբայության, վտանգավոր է, որ քաղաքականությամբ զբաղվում են գործիչներ, ովքեր կորցրել են չափավորությունը»,- ՀՀԿ ԳՄ և խորհրդի նիստերից հետո, անդրադառնալով Սերժ Սարգսյանի հայտնի ելույթին ու ԲՀԿ ղեկավար Գագիկ Ծառուկանի հասցեին հնչեցրած քննադատությանը, հայտարարել է ԱԺ փոխնախագահ, ՀՀԿ խոսնակ Էդուարդ Շարմազանովն ու նաև ավելացրել. «Հայտնի հռետորն ասում էր՝ գնդակն իշխանության դաշտում է, հիմա իշխանությունը գնդակը տշել է, թող հասնեն այդ գնդակին»:
«Եկել է ժամանակը՝ իրերն իրենց անունով կոչելու: Եկել է սթափության ժամանակը: Կարող է ասեք, եղեք հանդուրժող, մենք անհանդուրժող ենք այն երևույթների դեմ, որոնք դեմ են քաղաքակրթության կանոններին: Մենք քրիստոնյա ենք, բայց Սուրբ գրքում հստակ գրված է՝ խոզերի առջև մարգարիտներ չեն փռում: ՀՀԿ-ն բացառապես քաղաքական ընտրապայքարի ու մրցակցության կողմնակից է, մենք պատրաստ ենք լսել շատ սուր քննադատություն, բայց ոչ անձնական վիրավորանքներ»,-ասել է Էդուարդ Շարմազանովն ու նշել , որ տգիտությունը, պոպուլուիզմը, կիսագրագիտությունը, զոռբայությունը քաղաքականության մեջ տեղ չպիտի ունենան, քաղաքականության մեջ չպիտի լինեն այն մարդիկ, ովքեր այն շփոթում են բիզնեսի կամ այլ խաղերի հետ:
Տեսանյութերն` 1in.am-ի:
