«Ժամանակ» թերթը գրում է. «Գործարար Սիլվա Համբարձումյանը երեկ մեզ հետ զրույցում ժխտեց լուրերը, որ «Կալաչ» ընկերության գույքն աճուրդի է հանվել, եւ աճուրդը չի կայացել հայտ չլինելու պատճառով՝ ասելով. «Ես պարտքեր ունեմ, բայց վճարունակ եմ: Սուրեն Խաչատրյանը, Վարդան Այվազյանը եթե մեզ վերադարձնեին մեր պարտքերը, պարտքեր չէինք ունենա: Ս. Խաչատրյանը 102 մլն դրամ է պարտք, Վ. Այվազյանը՝ 70 հազար դոլար: Վարդան Այվազյան, ամոթ ա, երկու մետրանոց բոյով խաբում ես»:

Ի պատասխան այս հայտարարության՝ Վ. Այվազյանը երեկ մեզ ասաց. «Չեմ ուզում կոռեկտության սահմաններն անցնել, բայցվ չի ստացվում: Ժամանակ կունենա, իրեն հայելու մեջ ուշադիր նայի եւ 1 ու 40 սմ բոյով դուրս գա դիլետանտի մակարդակով քաղաքական հավակնություններից: Իսկ ինչո՞ւ չի դիմում իրավապահ մարմիններին: Վերադաձնում են այն, ինչ վերցրել են, ես ոչինչ չեմ վերցրել»:

Առավել մանրամասն՝ թերթի այսօրվա համարում