Թուրքիայի քրդական «Ժողովուրդների դեմոկրատական» (HDP) կուսակցության պատգամավոր Գյուլսեր Յըլդըրըմը Թուրքիայում վտանգի տակ գտնվող լեզուների պահպանության հետ կապված գրավոր հարցադրում է ներկայացրել Թուրքիայի վարչապետ Ահմեդ Դավութօղլուին` շեշտելով, որ Թուրքիայում 18 լեզու, որոնցից են քրդերենը, վրացերեն, համշեներենը, հայերենը, ասորերենը եւ այլն, գտնվում են վերացման վտանգի տակ։  

Քուրդ պատգամավորն իր հարցադրումը ներկայացրել է 8 լեզվով, այդ թվում հայերենով եւ հայերենի բարբառ համարվող համշեներենով։