Դերասան Թոմ Հենքսի որդին՝ Չեթը, Instagram-ում մեկնաբանել է հոր եւ մոր կորոնավիրուսով վարակվելը:
Նա նշել է, որ իր ծնողների մոտ հիվանդության ուժեղ ախտանիշներ չկան:
«Նրանք չեն անհանգստանում, բայց ստանում են անհրաժեշտ բժշկական միջամտությունները: Չեմ կարծում, որ այստեղ մտահոգվելու բան կա»,- ասել է Չեթ Հենքսը:
Ամերիկացի դերասան Թոմ Հենքսն ավելի վաղ հայտնել էր, որ ինքն ու իր կինը՝ Ռիտա Ուիլսոնը, Ավստրալիա ուղեւորության ժամանակ կորոնավիրուսով են վարակվել:
Թոմ Հենքսը հանդիսատեսին հայտնի է այնպիսի ֆիլմերով, ինչպես՝ «Մեծը», «Ֆորեսթ Գամփ», «Փրկել շարքային Ռայանին», «Իզգոյը», «Հրաշք Հուդզոնի վրա» եւ շատ այլ: 2016 թվականին ԱՄՆ նախագահ Բարաք Օբաման Հենքսին պարգեւատրել էր Ազատության նախագահական մեդալով:
