«ՀՀ ԱԺ պատգամավոր, հայտնի օլիգարխ Սամվել Ալեքսանյանի հետ կապված երկու խոշորագույն ընկերություններն այս տարվա առաջին եռամսյակում կտրուկ նվազեցրել են պետական բյուջե վճարած հարկերը: Նվազումը մոտ 26 տոկոս է: Խոսքն «Ալեքս Գրիգ» եւ «Սամսեր գրուպ» ընկերությունների մասին է, որոնք նշված ժամանակահատվածում, ըստ պետեկամուտների կոմիտեի երեկ հրապարակած պաշտոնական տեղեկանքի, վճարել են, ընդհանուր առմամբ, 4,5 մլրդ դրամ՝ անցած տարվա 1-ին եռամսյակի ավելի քան 6 մլրդ դրամի փոխարեն:

Այս հանգամանքն ուշագրավ է այն տեսանկյունից, որ Հայաստանում ներկայումս ընթանում է վարչապետ Հովիկ Աբրահամյանի կողմից նախաձեռնած «անզիջում պայքար»՝ ստվերային տնտեսության դեմ: Ամենահայտնի օլիգարխի հետ կապված ընկերությունների կողմից հարկերի նման կտրուկ նվազումը խոսում է այն մասին, որ այդ «պայքարը» աննկարագրելի «հաջողություններ» է արձանագրում»:

Ուշագրավ այլ նյութեր`  «Հայկական ժամանակ»  թերթում