ԵԱՀԿ Մինսկի խմբի ամերիկացի համանախագահ Ջեյմս Ուորլիքը հերթական գրառումն է արել Twitter-ի իր միկրոբլոգում՝ մասնավորապես նշելով.
«Այսօր մեկնում են Վաշինգտոնից՝ հանդիպելու ԵԱՀԿ-ի համանախագահներին՝ քննարկելու Լեռնային Ղարաբաղի հակամարտության խաղաղ կարգավորման հաջորդ քայլերը: Ստատուս քվոն գնալով ավելի վտանգավոր է դառնում»:
Հիշեցնենք, որ ASEKOSE.am-ին տված հարցազրույցում ՀՀ-ում ԱՄՆ արտակարգ և լիազոր դեսպան Ջոն ՀեֆՖերնն անդրադարձել էր նաև հակամարտության կարգավորման խնդրին` նշելով.
«Կարևոր է բոլորին հասկանալ, որ համաձայնության համար, կապված բուն ԼՂՀ հարցի կարգավորման հետ, կպահանջվի վերադարձնել հարակից 7 տարածքները` հանած միջանցքը. Եվ եթե հակամարտության կողմերից որևէ մեկը չի պատկերացնում լուծումն այդ տարբերակով. ապա դրա համար շատ երկար ժամանակ կպահանջվի, հակամարտությունն էլ շատ երկար կտևի»:
Իսկ ԼՂՀ նախագահի մամուլի քարտուղար Դավիթ Բաբայանն, արձագանքելով դեսպանի հայտարարությանը, նշել էր.
«Վերադարձ անցյալին Արցախի համար չի կարող լինել՝ թե կարգավիճակի, թե սահմանների առումով:
