Հունիսի 11-ին, ողբերգական դեպք է տեղի ունեցել Երևանում: Շտապօգնության բժիշկները,  կլինիկական մահ ախտորոշմամբ, «Սուրբ Աստվածամայր» բժշկական կենտրոն է տեղափոխել տղա երեխայի: Ինչպես հայտնում է ֆոտոլրագրող Գագիկ Շամշյանը, տեղում ոստիկաններն ու քննիչները պարզել են, որ մահացածը Երևանի բնակիչ 12-ամյա Գոռ Ա.-ն է: Դատաբժշկի նախնական եզրակացության համաձայն՝ արտաքին զննությամբ նրա վրա բռնության հետքեր չեն հայտնաբերվել: Դեպքի փաստով քննչական բաժնում նախաձեռնվել է քրեական վարույթ: