«Փաստինֆո»-ն գրում է. ՀՅԴ-ն դիմել էր պատգամավորներին` սահմանադրական բարեփոխումների վերաբերյալ առաջարկներ ստանալու համար, և որոշ առաջարկներ արդեն իսկ ստացել է:  Այս մասին այսօրվա ճեպազրույցում հայտնել է Ազգային ժողովի ՀՅԴ խմբակցության ղեկավար Արմեն Ռուստամյանը` ընդգծելով, որ հատկապես արժեքավոր առաջարկներ է ստացել ՀԱԿ խմբակցության անդամ, նախկին վարչապետ Հրանտ Բագրատյանից: Ինչ վերաբերում է քաղաքական դաշտում վերջին զարգացումներին, մասնավորապես, կապված ԲՀԿ-ի հետ. «Ես համարում եմ, որ այդուամենայնիվ այստեղ ամենավտանգավորը, որ կարող է տեղի ունենալ, չփորձենք մտածել, որ հաղթող և պարտվողներ եղան: Սա շատ սխալ տեղ կտանի: Այսինքն` իշխանություններին էլ չթվա, թե վերջացավ, իրենք հաջողեցին, էյֆորիայի մեջ հայտնվեն, որը շատ վտանգավոր է»:  

Ա.Ռուստամյանն ընդգծել է. «Պարտված ենք, քանի դեռ այն խնդիրները,  որ այսօր գոյություն ունեն, չեն լուծված: Պարտված ենք բոլորս: Եվ քանի այդ խնդիրները կան, այսօր Գագիկ Ծառուկյանը կլինի, վաղը մի ուրիշը կլինի, այս հարցերը բարձրացնող և առաջնորդող անպայման կառաջանա»: 

Մանրամասները՝ սկզբնաղբյուր կայքում