Ի ցույց լավատեսություն...
Երբեմն` ընկերներիցս ոմանք մեղադրական ճառերով են հանդես գալիս`փոփոխված հայացքներս ու երբեմնի լավատեսությանս անկումը օրինակ բերելով:Մանավանդ,երբ սկսում ենք բանավիճել մշուշոտ ու որևէ լավ բան չխոստացող ապագայի մասին:
Ազգային զարթոնքի` ութսունականների վերջերի մեր ժողովրդի պատմությունն,անշուշտ,կարելի է հերոսական կոչել:Սակայն մեր ժամանակներն ուրիշ են արդեն: Եվ նրանք,ովքեր դեռևս ինքնահուսադրում ունեն,թե նույնատիպ պոռթկումն ու հերոսացումը հատուկ է մեր ժողովրդին բոլոր ժամանակների տեսանկյունից,մեղմ ասած` սխալվում են:
Եկեք` շիտակ լինենք:
Խորհրդային հասարակարգն ինչքան էլ որ դատապարտելի էր,սակայն իր գոյությամբ արդյունավետ եղավ շատ կենսական հարցերում:Խորհրդային Հայաստանն ուներ` կիրթ,բանիմաց,միասնական ու ազգային ամուր ոգով դաստիարակված հասարակություն:Միայն այն իրողությունը,թե ովքեր էին արժեքներ սերմանողներն ու կրողները,բավարար է արդեն փաստելու համար նշածս արդյունավետությունը:
Բացի այդ,<< ղարաբաղյան շարժման >> հոգեբանությունն էր ազգային:Բոլորս գիտեինք,որ պայքարը մեր ինքնության,ժողովրդի,ապագայի ու անկախության համար է:
Հիմա` համադրենք.
Անկախության տարիներին մեր վաստակած արժեքային համակարգին եկեք գումարենք կուսակցականությունը`դնենք հավասարի նշան...
Պատասխաններում,եթե կգտնեք որևէ կետ համընդհանուրի գաղափարական տեսանկյուններից,ես պատրաստ եմ համաձայնել ձեզ հետ,ձեր լավատեսությանը:
Սեփական,մասնավոր,անարժեք,ցածրորակ,շահեկան,և այլն,և այլն:
Ուր եք ուզում գնանք անգրագիտության ու քաղքենիության այս ցուցանիշերով:Այս կարգի մարդկանց ձեռքը կտրես,ուրիշի ձեռքով գրպան կմտնեն: Դե արի ու սրանց խիղճ կամ սրբություն քարոզիր:Ցանկացած դրսի ուժի դեմ,հայն անգամ այսօրվա իր իրողությամբ,ինչ որ անհասկանալի ուժի համախմբվածության շնորհիվ ոտքի կկանգնի:Ամեն դեպքում`գենը զորեղ բան է:Սակայն,երբ բանն հասնում է շահի,սեփականի սահմաններին,կրկին պիտի` գե"նը օրինակ բերեմ... Այն բացասական գենը,որ հնարավոր եղավ` արվեստի-մշակույթի,բարձր արժեքների շնորհիվ ապաքինել հենց` խորհրդային տարիների"ն:
Անշուշտ,մեր ազգի վեհ ու ազնվական գենն անհնար է երբևէ վերացնել:Եղել են,կլինեն այն կրողներ:Սակայն արդյունավետությունն անասելի ցածր ցուցանիշեր կգրանցի այնքան ժամանակ,քանի դեռ` հայ եզակիի մեջ,չի ամբողջանա` << Հայ Ժողովուրդ >> գաղափարախոսությունը:
Հիմա յուրաքանչյուրս եկեք հարց տանք.
Տեսանե"լի է...
Նրանք,ովքեր կշտապեն մեղադրել ինձ,իբրև` հոռետեսական տրամադրվածություններ սերմանելու համար,խնդրում եմ ուշադրություն.
Ամբողջ մի կյանք ապրել եմ այս հողին և այստեղ էլ կնքելու եմ մահկանացուս,ոչ այն պատճառով,որ ստրուկ եմ կամ անբուժելի անխոհեմ:Ինքնասիրություն ունեմ,որ երբեք չի հանդուրժել խոնարհում,կռիվ անելուց չի փախել տաքուկ անկյունում թաքնվելու հնարամտությամբ,և ամենակարևորը,երբևէ` իրենը օտարին չի ընծայել,օտարի ընծայածով գոյատևելու << շքեղությամբ >> :
Ճչում եմ,որ արթնանաք:
Այո,գուցև` իմ այս հոռետեսությամբ,ի ցույց` լավատեսություն:
Բայց` կարթնանա"ք...
