|
Խորհրդարանը 60 կողմ, 22 դեմ ձայներով վավերացրեց Հռոմի ստատուտը՝ Միջազգային քրեական դատարանի կանոնադրությունը և դատարանի իրավազորությունը հետադարձ ուժով ճանաչելու մասին նախագիծը։ Դեմ են քվեարկել ընդդիմադիր խմբակցությունների ներկայացուցիչները։ Փորձագետ Վահե Գրիգորյանն այս առիթով գրում է․ |
Իմիջիայլոց, Հռոմի ստատուտով ՀՀ-ն միանում է ՄԱԿ-ի Միջազգային քրեական դատարանին. այն ՄԱԿ-ի, որին երեկ Ալիևը 1 մլն դոլլար նվիրաբերեց, ինչի դիմաց էլ Լեռնային Ղարաբաղ մեկնած ՄԱԿ առաքելությունը չտեսավ Ստեփանակերտում ու առհասարակ Արցախում տեղի ունեցած ավերածություններն ու ցեղասպանության վառ ապացույցները:
Դեռ նախորդ տարի էլ հստակ ասել ու ապացուցել եմ, որ Հռոմի ստատուտը առհասարակ հակասահմանդրական է, իսկ ՍԴ` 24.03.2023 որոշման կայացումը ինքնին դուրս էր ՍԴ իրավասությունից ու լիազորություններից:
Որքան Հաագայի դատարանի որոշումն օգուտ տվեց Հայաստանին ու Արցախին, հենց ուղիղ այդքան էլ օգուտ կգա Հռոմի ստատուտի վավերացումը:
