«Կառավարությունում երեկ՝ մայիսի 18-ին, վարչապետի մոտ քննարկում է եղել էլեկտրաէներգիայի սակագնի բարձրացման հարցով, որին մասնակցել է նաեւ էներգետիկայի նախարարը: Նախ քննարկել են, թե ամենաքիչն ինչքան կարող են բարձրացնել էներգիայի գինը, որպեսզի դժգոհությունների ալիք չբարձրանա, բայց ՀԷՑ-երը եւս կարողանան աշխատել:

Շահառուները պնդել են, թե էներգիայի գինը 6-7 դրամով բարձրացնելն անխուսափելի է՝ պայմանավորված մի շարք հանգամանքներով, այդ թվում՝ դոլար-դրամ հարաբերակցությամբ, դրանից այն կողմ չեն կարող զիջել: Եվ որոշում է կայացվել, որ էլեկտրաէներգիայի սակագինը կբարձրանա 6-7 դրամով:

Նախապես հայտարարվել է, թե էներգիայի գինը կարող է բարձրանալ 17 դրամով, այժմ կանգ են առել 6-7 դրամի վրա՝ հույս ունենալով, որ բողոքի ալիք չի բարձրանա:

Բայց ԱԺ խմբակցությունները կարծես մարտական են տրամադրված, ԲՀԿ-ն պահանջում է խորհրդարանական լսումներ, ՀԱԿ-ի սիրտն էլ էներգիայի հարցով ժամանակավոր հանձնաժողով է ուզում: Ցավոք, քաղաքական ուժերի պայքարը, բացի սեփական PR-ից, այլ գործնական արդյունք չի տա, էներգիայի գինը կբարձրանա 6-7 դրամով»:

Ուշագրավ այլ նյութեր` «Հրապարակ» թերթում