Երեկ Կոպենհագենում տեղի ունեցած «Եվրատեսիլ 2014» երգի մրցույթի երկրորդ կիսաեզրափակչի փուլից հետո Ավստրիայի ներկայացուցիչ Կոնչիտա Վյուրստը մամլո ասուլիս է տվել եւ պատասխանել լրագրողների մի քանի հարցերին:
Կոնչիտա, Դուք սպասո՞ւմ էիք, որ կանցնեք եզրափակիչ փուլ:
Երբ սկսեցին կարդալ եզրափակիչ անցած մասնակցիների անունները, ես վերջինն էի: Նայում էի ուրախացող մրցակիցներիս եւ մտածում՝ «Վերջ, ես չեմ անցնի»: Բայց ոչ, ես ձեր առջեւ եմ որպես եզրափակչի լիարժեք մասնակից:
Դուք մեծ աջակցություն ունեք եվրոպացի նույնասեռականների կողմից: Արդյոք դա որևէ կերպ օգնել է ձեզ անցնել մրցույթի եզրափակիչ:
Այո', ես զգացել եմ իմ երկրպագուների աջակցությունը: Այս գիշեր նրանց սերն ինձ ուժ տվեց: Ես գիտեմ, որ նույնասեռականների շրջանում ես կուռք եմ համարվում, սակայն ինձ համար կարեւոր է նաեւ այն, որ ավանդական կողմնորոշում ունեցող անձիք նույնպես սատարեցին ինձ: Նրանք հասկացան, թե ինչ էի ես ուզում հասցնել իմ երգով:
Եթե հաղթեք «Եվրատեսիլ-2014» մրցույթում, միգուցե սեռափոխությու՞ն կատարեք, որպեսզի վերածվեք իսկական կնոջ:
Ո'չ, հասկացեք, ես չեմ ցանկանում կին լինել: Ես չեմ ուզում ինձ փոխել: Ես ստեղծել եմ Կոնչիտայի կերպարը, որպեսզի ցույց տամ, որ դու կարող ես աստղ լինել ցանկացած տեսքով: Ես երբեք չեմ թրաշի իմ մորուքը, ոչ մի դեպքում:
