ԱՄՆ-ը կարծում է, որ Ռուսատանն անհրաժեշտ քայլեր չի արել՝ Ուկրաինայի արևելքում ճգնաժամը հաղթահարելու ուղղությամբ եւ նոր պատժամիջոցներ է կիրառել Ռուսաստանի դեմ. դրանք տարածվելու են «Роснефть» պետական նավթային ընկերության, «Новатэк» գազային ընկերության, Газпромбанк ու Внешэкономбанк բանկերի, ինչպես նաև՝ ռազմարդյունաբերական մի քանի ձեռնարկությունների վրա:
«Մենք ուզում ենք՝ Ռուսաստանի ղեկավարությունը ևս մեկ անգամ տեսնի, որ իր գործողություններն Ուկրաինայում ունենում են հետևանքներ, որոնք ազդում են տնտեսության թուլացման ու քաղաքական մեկուսացման խորացման վրա», -հայտարարել է նախագահ Բարաք Օբաման:
ԵՄ-ն ևս նոր պատժամիջոցներ է կիրառել Ռուսաստանի դեմ՝ դադարեցնելով նրա մասնակցությամբ մի շարք ծրագրեր:Բրազիլիայում գտնվող Ռուսաստանի նախագահ Վլադիմիր Պուտինն, իր հերթին, հայտարարել է, որ Ռուսաստանի դեմ պատժամիջոցներն ունեն բումերանգի էֆեկտ ու փակուղի են մտցնում ռուս-ամերիկյան հարաբերությունները:
