Փետրվարի 22-ին Սոչիի Օլիմպիական քաղաքում միջադեպ է տեղի ունեցել Հայաստանի և Միացյալ Նահանգների պատվիրակությունների միջև, որը շուտով կարգավորվել է ռուսական ՊԱԿ-ի կողմից:
Այս մասին գրում է ql.am կայքը` նշելով, որ համաձայն նախնական տվյալների՝ ԱՄՆ ներկայացուցիչները դիմել են ФСБ ներկայացուցչին բողոքով, թե ինչ որ անհայտ անձ է ներխուժել իրենց կացարան Օլիմպիական քաղաքում: Անձը բերման է ենթարկվել ՊԱԿ-ի կողմից: Անձը հայակական պատվիրակության հրավերով Օլիմպիական քաղաք մուտք գործած QL.am-ի խմբագիր Նորա Փափազյանն է: Ըստ ամերիկյան կողմի ՝ անհայտ անձը, հավանաբար, նկարահանում է արել իրենց կացարանում: ՊԱԿ-ում հարցաքննության արդյունքում պարզ է դարձել, որ լրագրողուհին նկարահանումներ չի արել, ներսում նկարահանած որևէ լուսանկար կամ տեսանկարահանում չունի: Հարցաքննվել են հայկական և ամերիկյան պատվիրակության ղեկավարներն ու այլ ներկայացուցիչներ:
-Ես մտա ներս , փնտրում էի ընդունարան, որպիսին կա հայկականի շենքում: Պարզվեց, ամերիկյանում ընդունարան չկա. հենց դռների մոտ հանդիպեցի երկու հոգու, հարցրեցի արդյոք մարզիկ կա վերևում, թե չէ, նրանք ասեցին՝ ոչ՝ գնացել են բիատլոնի , ու իրենց հետ դուրս եկա շենքից: Այն հանգամանքը, որ դրանից հետո ինձ ուղեկցեցին ՊԱԿ ու մեկ ու կես ժամ ժամանակ խլեցին բացատրություն տալու համար, համարում եմ իմ կողմից կրած ժամանակային առումով վնաս: Համարում եմ, որ ժամանակային առումով վնաս են կրել նաև հայկական պատվիրակության ներկայացուցիչները: Ես ստիպված էի ФСБ-ին ցույց տալ իմ ֆոտոախցիկի պարունակությունը և անտեղի ապացուցել, որ ներսում արած նկարահանում չունեմ:Ինչ-որ հիստերիա եմ նկատում ԱՄՆ պատվիրակության պահվածքում,- Սոչիից հաղորդել է QL .am -ի խմբագիրը:
Նյութը` սկզբնաղբյուր կայքում