Այսօր ԱԺ-ում քննարկվում է «Վարչական իրավախախտումների մասին» օրենքում փոփոխություններ կատարելու մասին ՀՀԿ պատգամավոր Արփինե Հովհաննիսյանի ներկայացրած նախագիծը:
ՀԱԿ պատգամավոր Գագիկ Ջհանգիրյանը, անդրադառնալով նախագծին՝ նշել է.
«Անցած տարեվերջին ընդունեցինք ինտերնետային կամ հրապարակային ծանուցման մասին ՀՀ օրենքի նախագիծը: Առաջարկված նախագիծը դրա ընդամենը մեկ դետալն է: Այն ժամանակ մենք բարձրաձայնեցինք, որ չի կարելի ծանուցման այսպիսի կարգ ընտրել… մենք մի մեծ քար գցել ենք փոսը, Արփինե Հովհաննիսյանը փորձում է քարի մի փոքրիկ մասը հանել այդ փոսից»:
Գագիկ Ջհանգիրյանի խոսքով՝
«Մեր ժողովուրդը IPhone-ով, պլանշետով ոչ խոպան ա գնում, ոչ տուալետ ա գնում, ոչ սար ա գնում: Մեր ժողովորդը բոլորն ինտերնետացված չեն: Մարդիկ կան թուղթ ու գրիչն ու փոստն ու ծրարն են գերադասում: Այնպես որ հարկ է անդրադառնալ այդ օրենքին»:
Մանրամասները՝ a1plus.am-ի տեսանյութում.
