1700-դարյա պատմություն ունեցող Քրիստոնեությունը, որը դպրոցներում սովորեցնում են մատաղ սերնդին, ՄԱԿ-ը իր թեթև ձեռքով փորձում է դուրս հանել առարկան դպրոցներից: Այսինքն ՄԱԿ-ի երեխաների իրավունքների պաշտպանության կոմիտեն, խղճի, մտքի ազատության օրենքն օգտագործելով, ցանկանում է, որ հայ ընտանիքում դաստիարակված և մեծացած երեխան չիմանա և չսովորի իր Եկեղեցու պատմությունը ու այն դերը, որն ունեցել է հայոց պետականության կազմավորման գործում: Սրանով ՄԱԿ-ը քայքայիչ աղանդների ջրաղացին ջուր են լցնում: Եվ այնպես անում, որ ավելի շատ երեխաներ ներգրավվեն աղանդների շարքերը: Ի՞նչ է սրա մասին մտածում ԿԳ նախարարությունը:
Նշենք, որ ՄԱԿ-ի երեխաների իրավունքների պաշտպանության կոմիտեի կողմից կրթության ոլորտի համապատասխան կառույցներին հանձնարարական է իջեցվել դպրոցներում պարտադիր առարկա Հայ եկեղեցու պատմությունը վերացնել:
Այս քայլը հիմնավորվում է նրանով, որ առարկայի դասավանդումը խղճի և մտքի ազատության ոտնահարում է, հակասում է սահմանադրությանը: Դրանից էլ ենթադրվում է, որ այդ առարկան չի կարող դասավանդվել հանրակրթական դպրոցում:
