«Հուսով եմ Հայաստանի ու Ադրբեջանի նախագահները կհամաձայնեն մոտ ժամանակում հանդիպել ու քննարկել գլխավոր հարցերը: Ժամանակն է բանակցություններ սկսելը, որոնք կարող են հանգեցնել խաղաղության համաձայնագրի: Եթե կողմերն իսկապես ցանկանում են լուծել հակամարտությունը, նրանք պետք է ընդունեն Շվեյցարիայի` համանախագահների հետ համակարգված բանակցային գործընթաց սկսելու առաջարկը»,-galatv.am-ի փոխանցմամբ` հայտարարել է ԵԱՀԿ Մինսկի խմբի ԱՄՆ համանախագահ Ջեյմս Ուորլիքը` մեկնաբանելով հայ-ադրբեջանական սահմանին ու շփման գծում իրավիճակի սրումը:
Ջ. Ուորլիքը ցավակցել է զոհված զինծառայողների ընտանիքներին ու նշել է, որ հակամարտությունը չի կարող լուծվել ռազմական ճանապարհով:
«Ես չափազանց անհանգստացած եմ զորքերի շփման գծում մեծաթիվ զոհերով: Այդ միջադեպերը հարվածում են հակամարտության խաղաղ կարգավորմանն հասնելու ջանքերին, ես կոչ եմ անում կողմերին քայլեր ձեռնարկել զինադադարի ռեժիմին հետևելու համար»:
Ջ. Ուորլիքն ընդգծել է, որ Մինսկի խումբը մնում է միջնորդության միակ ընդունելի ձևաչափը:
Նյութը` սկզբնաղբյուր կայքում
