Մարդիկ իրավունք ունեն ազատ հավաքվել, տեսակետներ արտահայտել:
Սա պարտադիր նորմ է ցանկացած ժողովրդավարական պետության համար:
Հավաքների իրավունքը պարտադիր երաշխավորված պետք է լինի հատկապես ընդդիմության համար:
Դրական է, որ իշխանությունները, ֆորմալ առումով, խոչընդոտներ չեն հարուցել Եռյակի հոկտեմբերի 10-ի ու մարզային յոթ հանրահավաքների անցկացման համար:
Բացառություն է կազմել Արարատի քաղաքապետարանը, որն եռյակի հանրահավաքի մասին իրազեկումն ի գիտություն չի ընդունել:
Վստահաբար կարելի է պնդել, որ Արարատի քաղաքապետն օրենք է խախտում ու, Եռյակն, այս դեպքում, ճիշտ կանի, որ չընկրկի ու հոկտեմբերի 3-ին անցկացնի իր հանրահավաքը:
Ի դեպ, Արարատի քաղաքապետը՝ շողոքորթելով իշխանությանն, իրականում նրան ՙՙարջի ծառայություն՚՚ է մատուցել, որովհետև ավելի է մեծացրել ինտրիգը հոկտեմբերի 10-ի հանրահավաքի շուրջ:
