ԱԺ-ում այսօր շարունակվեց «Կառավարման ճգնաժամ»-ի վերաբերյալ նախագծի քննարկումը:
Իր ելույթն այսօր շարունակեց ՀՀԿ պատգամավոր Վարդան Այվազյանը, ով սկսեց ռեպլիկներ անել և վիճել ՀԱԿ պատգամավոր Հրանտ Բագրատյանի հետ՝ ասելով, թե եթե պետք է, կարող են նրա հիշողությունը թարմացնել. «Համախառն ներքին արդյունքով ՀՀ-ն առաջ է Մոլդովայից, Կիրգիզիայից, Ուզբեկստանից, Տաջիկստանից: Այսօրվա դրությամբ Վրաստանը, որ Ասոցացման համաձայնագիրը վավերացրել է, նրա ստացած օգնությունը և ՀՀ-ին տված օգնությունների չափերն էլ համադրելի են: Հիմա անցնեմ քաղաքական թեմաներին: Այդ ճգնաժամը երևի ուրիշ տեղ ման գաք: Ընդդիմությունը պետք է վեր դասենք չուզողների դասից: Այս ամենը ինձ հիշեցնում է «Կովկասի գերուհուն», երբ ասում է՝ ինքը կարող է ճչալ, բողոքել, դատախազություն դիմել, բայց սիրելիներս, ձեր գործը արեք, դա պարզապես հին կովկասյան ավանդույթ է»,-ասաց Վարդան Այվազյանը:
