Նոր հրաշալի քառյակի քաղաքական կենսագրությունը, որը ծավալվելու է, ըստ Լևոն Տեր-Պետրոսյանի, առանց սահմանադրության խախտման, բացառված չէ, որ ունենա հետևյալ զարգացումը. սահմանադրական փոփոխությունների արդյունքում Հայաստանը դառնա պառլամենտական երկիր, իսկ արտահերթ կամ ոչ արտահերթ ընտրություններով նախագահ ընտրվի քառյակի ներկայացուցիչը:
Սա քիչ, բայց հավանական սցենար է, քանի որ այս դեպքում հարց կառաջանա, թե ինչպես մեծամասնության քվեն ստացած ընդդիմադիր նախագահի կուսակցությունը կամ կուսակցությունների դաշինքը /քառյակը/ պառլամենտական ընտրություններում չկարողացավ ստանալ այդ նույն մեծամասնության քվեն, բայց սա տեխնիկական հարց է, ասենք, կախված է նրանից, թե որ արտահերթ ընտրությունները կնշանակվեն առաջինը: Ու քանի որ մենք ապրում ենք իռացիոնալ պայմաններում, ապա պետք է հաշվի առնենք, որ ոչինչ բացառված չէ:
