|
Հայաստանի քաղաքացիները պաշտպանել են իրենց տարածքը, իրենց կյանքն են տվել։ Այս մասին ճեպազրույցի ժամանակ՝ անդրադառնալով ՀՀ ԱԽ քարտուղարի հայտարարությանը, ասել է ՌԴ ԱԳՆ պաշտոնական ներկայացուցիչ Մարիա Զախարովան։ «Որպես պետություն՝ Հայաստանի գաղափարախոսությունը երկար տարիներ հիմնվում էր հենց այդ թեզերի վրա, չէ՞ որ նրանք արձագանքում էին պետության կոչերին, գիտեին՝ ինչի համար են մարտի գնում, ինչի համար են իրենց կանանց ու երեխաներին դատապարտում այրիության ու որբության։ Ինչպե՞ս կարելի է նման ցինիկ կերպով դավաճանել սեփական ժողովրդի հիշողությունը, զրոյացնել այն, ինչ Հայաստանում սխրագործություն էին անվանում։ Ո՞վ է իրավունք տվել ժամանակավոր և դրսից սնվող այդ մարդկանց այս կերպ վիրավորել սեփական ժողովրդին»,- ասել է Զախարովան։ *** |
|
Քաղաքագետ Արա Պողոսյանի ֆեյսբուքյան գրառումը․ «Հայաստանի Ազգային Անվտանգության խորհրդի քարտուղար Արմեն Գրիգորյանն ասում է. «Ռուսաստանը եկել, մեր ձեռից վերցրել է Ղարաբաղը, վերադարձրել է Ադրբեջանին»: *** Ռուսաստանի Դաշնության խորհրդի միջազգային գործերի կոմիտեի նախագահ Գրիգորի Կարասինը հայտարարել է, որ ՀՀ ԱԽ քարտուղար Արմեն Գրիգորյանի հայտարարությունն այն մասին, թե «Ռուսաստանը ԼՂ-ն հանձնել է Ադրբեջանին», սուտ է։ «Պետք է անդրադառնալ հայ քաղաքական գործիչների ձայնագրություններին ու ելույթներին, ներառյալ՝ բարձրագույն ղեկավարությունը։ Այդ գրառումները հայտնի են, թող կարդան»,- РИА Новости-ն մեջբերում է Կարասինի խոսքը։ ***
Դիտեք նաև՝ |
