ԱԺ-ում արտահերթ կարգով քննարկվեց «Հայ ազգային կոնգրես» խմբակցության պատգամավորների`«Արտակարգ դրության իրավական ռեժիմի մասին» ՀՀ օրենքում փոփոխություններ եւ լրացումներ կատարելու նախագիծը:
Պետաիրավական հարցերի մշտական հանձնաժողովի նախագահ, ՀՀԿ-ական Հովհաննես Սահակյանն իր ելույթում հայտարարեց. «Կա մեկ աքսիոմատիկ ճշմարտություն` եթե մի օրենք կամ դրույթ հակասահամադրականության խնդիր ունի, ապա դրա վերջնական եզրահանգումը պետք է հնչեցնի ՍԴ-ն: Այդ մասին հանձնաժողովում էլ եմ ասել: Ի դեպ, օրենքում արդեն կան սահմանափակումներ հիմնական կռվախնձորի մեջ: Սահմանադրության մեջ նշված է նաեւ` սահմանադրական կարգի խաթարման դեպքում ՀՀ նախագահն իրավունք ունի արտակագ դրություն մտցնել ու իրավիճակից դրդված քայլեր կատարել, իսկ դա կարող է ամեն ինչ ենթադրել»:
ՀԱԿ պատգամավոր Գագիկ Ջհանգիրյանը եզրափակիչ ելույթում խոսքն ուղղելով խորհրդարանական մեծամասնությանը՝ ասաց.
Իհարկե, կարելի է դեմ քվեարկել, կարելի է չքվեարկել, նիստերի դահլիճում ներկա չլինել, բայց, փորձել ասել մածունը սև է, չի կարելի, անհարմար է: Ես կհասկանամ, որ ձեր քաղաքական թիմը դեմ է նախագծին և դեմ է քվեարկելու: Ընդունում եմ և շատ պարզ է: Դեմ էլ պետք է լինեք, հլը համարձակվեք կողմ եղեք»,-ասաց ՀԱԿ պատգամավորը:
Գագիկ Ջհանգիրյանն անդրադարձավ Խոսրով Հարությունյանի դիտարկմանը, այն է՝ զինված ուժերը պետք է կիրառվեն այն դեպքում, երբ մնացածների ուժերը չեն բավարարում.
«Շատ լավ, 2008 թ.-ին էլ էին ասում, որ զինված ընդդիմությունը ոստիկաններին ու զինծառայողներին գնդակահարում է: Բա ո՞ւր ա, մի հատ ընդդիմադիր դատեիք, մեկին քրեական պատասխանատվության կանչեիք, որ այդ օրը զենք ա կրել»,-նկատեց պատգամավորը:
Անի Կարապետյան
