ASEKOSE.am-ի խմբագրությունը «Ճի՞շտ է , որ Հասմիկ Պողոսյանն է ԱՕԿՍ-ի շենքի սեփականատերը և շենքի մի մասը վարձակալության է տվել Մշակույթի նախկին նախարար Արմեն Սմբատյանին, որտեղ էլ գործում է Բլեքբերի բար-ռեստորանը» հարցադրմամբ տեղեկություն ստանալու հարցում էր ուղարկել ՀՀ մշակույթի նախարարությանը, որում եղած հարցադրումներին առնչություն չունեցող մի «պատասխան» ստացել և հրապարակել էինք երեկ:
Այսօր այս հարցի վերաբերյալ նախարարությունից ևս մեկ` հավելյալ պատասխան ստացանք, որն առանց խմբագրման ու ավելորդ մեկնաբանության ներկայացնում ենք Ձեր ուշադրությանը` խոստանալով մեր հարցադրմանն ու պատասխանների պարզաբանմանը հետամուտ լինել ավելի ուշ.
«Աբովյան 3 հասցեում գտնվող հուշարձան-շենքը պատկանում է ԱՕԿՍ-ին և նրա մի մասը 2008 թվականից տրվել է վարձակալության` շենքի պահպանման հետ կապված խնդիրները հոգալու համար»:
