Թարմացված․ ՀՀ վարչապետի աշխատակազմի տեղեկատվության և հասարակայնության հետ կապերի վարչության պետ Արմեն Խաչատրյանը հերքում է իրեն և վարչապետի աշխատակազմի ղեկավարի տեղակալ Տարոն Չախոյանին վերագրվող նամակագրության մասին կեղծ տեղեկությունները։
«Սոցիալական ցանցերում եւ որոշ կայքերում տարածվածը ֆեյք գրագրություն է, որն անգամ մեկնաբանության կարիք չունի»,- նշել է Խաչատրյանը` «Արմենպրես»-ի հարցին ի պատասխան արձագանքելով իրեն վերագրվող նամակագրությանը։
***
Համացանցում տարածվում է տեղեկատվություն, համաձայն որի, հաքերները ջարդել են Արմեն Խաչատրյանի հեռախոսը և անձնական հաղորդագրություններին ծանոթացել:
Մասնավորապես հրապարակվել է Հայաստանի վարչապետի աշխատակազմի ղեկավարի տեղակալ Տարոն Չախոյանի և հասարակության հետ կապերի և տեղեկատվության դեպարտամենտի պետ Արմեն Խաչատրյանի նամակագրությունը:
Այնտեղ նշվում է նաև Հայաստանի վարչապետի աշխատակազմի ղեկավար Արայիկ Հարությունյանի և «Հասարակական կապերի և տեղեկատվությա կենտրոն» ՊՈԱԿ-ի ղեկավար Գոռ Ծառուկյանի մասին:
