«Հայկական ժամանակ» թերթը գրում է. ««Ռուսաստանն այսօր» լրատվական գործակալության տնօրեն, Կրեմլի գլխավոր պրոպագանդիստ Դմիտրի Կիսելյովի հիմնած «Գրիբոյեդով» ակումբը Հայաստանում կազմաքանդվել է: Ակումբի վերջին հանդիպումը տեղի է ունեցել հուլիսի 8-ին:
Երեկ մեր թղթակիցը սույն ակումբի ամենաակտիվ անդմ, Հայաստանի քաղաքագետների միության նախագահ Հմայակ Հովհաննիսյանին հարցրել է, թե երբ է տեղի ունենալու «Գրիբոյեդով» ակումբի հաջորդ հանդիպումը: Նա պատասխանել է. «Այդ ակումբը գործում է Ազգային ժողովում, Հերմինե Նաղդալյանի «թամադայությամբ»: Իսկ ես այս գումարման խորհրդարանի հետ որեւէ առնչություն չունեմ, եւ իհարկե, տեղեկություն չունեմ»:
Այնինչ, դեռ հուլիսի 13-ին Հովհաննիսյանը մեզ հայտնել էր, որ գրիբոյեդովցիները կհանդիպեն սեպտեմբերին, նախատեսվում է տնտեսական խնդիրների քննարկում»:
