Երևանի կենտրոնում՝ Սարյան փողոցում, որտեղ անցկացվում է Գինու փառատոնը, դանակահարություն է տեղի ունեցել, ինչի հետևանքով կա սպանված։
Նյուզ․am-ն է գրում ու նշում, որ տեղեկության առնչությամբ ՔԿ խոսնակ Գոռ Աբրահամյանը հայտնեց, որ Երևանի կենտրոնում շաբաթ և կիրակի դանակահարությունների դեպքեր են գրանցվել։
«Դանակահարության երկու դեպք է գրանցվել, մեկը՝ նախօրեին, մյուսը՝ երեկ։ Նախօրեի դանակահարության հետևանքով կա մեկ տուժած։ Դեպքի առնչությամբ վարույթ է նախաձեռնվել՝ սպանության փորձի հատկանիշներով, իրականացվում է քննություն։
Երեկ գրանցվել է երկու անձի դանակահարության դեպք։ Վարույթ է նախաձեռնվել սպանության և սպանության փորձի հատկանիշներով»,- ասաց Գոռ Աբրահամյանը։
***
|
Երեկ 2 անձ է դանակահարվել Սարյան փողոց-Մաշտոցի պողոտա հատվածում։ Նրանցից մեկը մահացել է, մյուսը՝ գտնվում է հիվանդանոցում։ Նախորդ օրը դանակահարվել է ևս 1 անձ, նա այժմ ծանր վիճակում գտնվում է հիվանդանցում, «Ազատության»-ը փոխանցել են Քննչական կոմիտեից՝ նշելով, որ ենթադրյալ հանացքը կատարողը ձերբակալվել է։ Սարյան փողոցում անցած 3 օրերին «Գինու փառատոն» էր անցկացվում։ |
