Արտակարգ դրության ռեժիմը 30 օրով՝ մինչեւ մայիսի 14-ը երկարաձգելու մասին կառավարության որոշման նախագիծը ԱԺ-ում ներկայացնելիս ՀՀ փոխվարչապետ Տիգրան Ավինյանը ներկայացրեց, թե ինչպիսի իրավիճակ կլիներ, եթե ՀՀ իշխանությունները որեւէ միջոցառում չձեռնարկեին:
«Վարակի տարածման արագության գործակիցը 2,4 էր, այսինքն մեկ մարդը պետք է վարակեր 2,4 մարդու եւ պոտենցիալ վարակակիրների թիվն իր բարձրակետին է հասնում առաջին դեպքի արձանագրումից հետո 75-80 օր հետո: Այս իմաստով մենք գտնվում ենք 50-րդ օրվա շրջանում: Այդ կետում բնակչության շրջանում վարակվածների թիվը կհասներ 89 տոկոսի: Հոսպիտալացման ծանր դեպքերի թիվը Երեւանում կհասներ 8200-ի: Ես նկատի ունեմ ծանրագույն դեպքերը, իսկ Երեւանում վարակված կլիներ 110 հազար մարդ: Այդ սցենարի դեպքում կոնկրետ այսօր մենք կունենայինք Երեւանում վարակված 30 հազար անձ, եւ հարյուրավոր մահեր»,- ասաց Ավինյանը:
Նա նաեւ թվարկեց, թե ինչ է արել կառավարությունն այս ընթացքում.
«Մեր նպատակն է եղել հնարավորինս հարթեցնել վարակի տարածման դինամիկան ժամանակի մեջ՝ ապահովելով դրա մարումն առանց անկառավարելի պիկերի, նաեւ չեզոքացնել ռիսկային խմբերի վարակման դեպքերը: Գործողությունները պետք է լինեն ոչ թե արձագանքող, այլ կանխարգելող՝ վարակի տարածման ինտենսիվության գործակիցը հնարավորինս պահպանելով 1-ից ցածր միջակայքում: Դա կնշանակի, որ մեկ անձը վարակում է մեկից ոչ ավել մարդու»:
Դիտեք նաև`
ԱԺ արտահերթ նիստն ամբողջությամբ՝ տեսանյութում
