Երեւանի Ազատության հրապարակում հանրահավաքն ավարտվել է ԲՀԿ նախագահ Գագիկ Ծառուկյանի ելույթով, ով հայտարարել է, որ վաղվանից Հայաստանի բոլոր մարզերում ստեղծվելու են շարժման շտաբներ` ցանկացած պահի ժողովրդին մոբիլիզացնելու համար:
«Եթե իշխանությունները չկատարեն պահանջները՝ ընտրական օրենսգրքի բարեփոխում, անցում համամասնական համակարգի, ապա շարժումը պահանջելու է իշխանափոխություն»,-հայտարարել է Գագիկ Ծառուկյանն ու նշել, թե մինչ այժմ շարժումը հասել է հաջողության` իշխանություններին ստիպելով հետաձգել շատ որոշումներ` մասնավորապես Սահմանադրական փոփոխությունները:
Գագիկ Ծառուկյանը նաև հայտարարել է, որ դեմ է նստացույցին:
Նշենք, որ Րաֆֆի Հովհաննիսյանն էր իր ելույթում հայտարարել, որ ազատամարտիկների կողմից մի առաջարկ կա՝ այսօրվանից նստել նստացույցի և ասել էր, որ այդ հարցը թող քվեարկության կդնի ԲՀԿ առաջնորդ Գագիկ Ծառուկյանը:
Տեսանյութը` a1plus.am-ի
Դիտեք` Եռյակի հանրահավաքն Ազատության հրապարակում. հիշեցնենք, որ խորհրդարանական երեք ուժերը՝ ԲՀԿ-ն, ՀԱԿ-ը և «Ժառանգությունը», ինչպես նաև Հայաստանի ժողովրդական կուսակցությունը Երևանի Ազատության հրապարակում անցկացնում էին երկրորդ միասնական հանրահավաքը։
