Ռուսաստանի ու Հայաստանի վարչապետներ Դմիտրի Մեդվեդևի ու Հովիկ Աբրահամյանի հանդիպման մասին նախնական տեղեկատվությունից կարելի է հետևության գալ, որ դարձյալ հստակություն չկա Եվրասիական տնտեսական միությանը Հայաստանի անդամակցության ժամկետների հարցում:
Ու այնպիսի տպավորություն է, որ Հայաստանի անդամակցության հարց այս պահին օրակարգում չկա...
Հիշեցնենք, որ այսօր Սոչիում տեղի է ունեցել ՀՀ վարչապետ Հովիկ Աբրահամյանի և ՌԴ վարչապետ Դմիտրի Մեդվեդևի հանդիպումը: Դմիտրի Մեդվեդևի և Հովիկ Աբրահամյանի ներկայությամբ Ռուսաստանի և Հայաստանի Միգրացիոն ծառայությունների ղեկավարները ստորագրել են «Ռուսաստանի դաշնության քաղաքացիների՝ Հայաստանի հանրապետությունում գտնվելու կարգի և Ռուսաստանի տարածքում Հայաստանի քաղաքացիների գտնվելու կարգի մասին» համաձայնագիր:
