ASEKOSE.am-ի տեղեկություններով՝ ձերբակալվել է ararum.am և նախկին nrnak.com կայքի խմբագիր Հովհաննես Եսայանը՝ 1 մլն դրամ շորթելու կասկածանքով: Ըստ տեղեկությունների՝ ձերբակալությունը կապվում է «Մայամի» հյուրանոցի մասին նկարահանված տեսանյութի հետ, որը կարող եք դիտել ստորև. այն առկա է եղել նաև nrnak.com կայքում, որն արդեն մի քանի ամիս չի գործում:
Հիշեցնենք, որ հունիսի 21-ին Հովհաննես Եսայանը ծեծի էր ենթարկվել, ինչից անմիջապես հետո դիմել էր ոստիկանություն: Սակայն ըստ որոշ աղբյուրների՝ վերջինիս համոզել են դիմումը հետ վերցնել և նա գնացել է այդ քայլին:
Ըստ ասեկոսեների, երեկ Հովհանես Եսայանի տանը խուզարկություն է տեղի ունեցել և ոստիկանները առգրավել են նրա համակարգիչն ու կրիչներ:
ASEKOSE.am-ն ավելի ուշ կփորձի ներկայացնել նաև Հովհաննես Եսայանի փաստաբան Սուսաննա Սարգսյանի մեկնաբանությունը և մանրամասներ միջադեպի մասին:
