Միջազգային ճանաչում ունեցող ընկերությունների հաջողության գաղտնիքը հաճախորդների բավարարվածության բարձր մակարդակն է, ինչին մշտապես ձգտում է նաեւ «ԻՆԳՈ ԱՐՄԵՆԻԱ» ապահովագրական ընկերությունը:

Դրա մասին է վկայում դեռեւս 2013թ.-ին «ԻՆԳՈ ԱՐՄԵՆԻԱ»-ի ֆրանսիական «Բյուրո Վերիտաս» ընկերության կողմից ստացած  ISO 9001:2008 որակի կառավարման միջազգային ստանդարտի համապատասխանության վկայականը, որը հաստատեց այն, որ «ԻՆԳՈ ԱՐՄԵՆԻԱ»-ի կողմից հաճախորդների սպասարկման բարձր մակարդակն ու ծառայությունների մատուցման որակն անընդհատ կատարելագործվում են:

Նպատակ ունենալով համապատասխանեցնելու հաճախորդների վերաբերյալ անձնական եւ ապահովագրական տեղեկատվության պահպանումը միջազգային ստանդարտներին` «ԻՆԳՈ ԱՐՄԵՆԻԱ»-ն «Բյուրո Վերիտաս» ընկերության հետ ձեռնամուխ է եղել հաճախորդների անձնական տվյալների եւ առհասարակ տեղեկատվական անվտանգության ISO 27001:2013 համակարգի ներդրման եւ սերտիֆիկացման գործընթացին, որը նախատեսվում է ավարտել 2015թ.-ին, ինչի արդյունքում բարձրանում է  ընկերության ռիսկերի կառավարման մակարդակը, կոնֆիդենցիալ փաստաթղթերի նկատմամբ վերահսկողությունը մոտենում է 
կատարյալին:

Այս ամենը նախաձեռնելով` «ԻՆԳՈ ԱՐՄԵՆԻԱ» ապահովագրական ընկերությունը նպատակ ունի եւս մեկ աստիճանով բարելավել 
հաճախորդների սպասարկման որակը: